今日都已經星期三, 好快放完Term Break又要返學, 講起我學校的午飯時間, 其實真係好慘, 因為我讀左四年都唔可以出去食午餐. 只可以留係學校食飯, 但係家長或者工人可以送飯來我地學校比同學. 講真, 我覺得中一至中三唔可以出去食午餐我可以理解, 但係到左而家讀到中四仲要留係學校, 有無搞錯! 有D學校中一已經可以出去食飯, 點解我地到中四都唔得, 實在太唔公平啦! 我真係好想學校係最後一年中六可以比我地出去食飯, 還定都最後一年, 咪比D著數我地囉! 所以我覺得學校有少少似懲教處, 管得我地好嚴. 不過都有好處, 就係我地學校D學生唔會識埋晒果D唔生唔四ge學生, 好似香港仔工業學校果D. 同埋我地學校ge學生會服從老師同校長的命令, 就算好似我咁想反抗都唔得. 總結, 入得我學校ge, 要有阿Q精神同服從命令的心, 先可以做入得來我地學校, 如果唔係ge話請去其他學校就讀. 不過我ge心水推薦唔係我自己果間港大同學會書院, 而係係我學校附近ge余振強第二紀念中學, 明愛莊月明中學, 新會商會陳白沙紀念中學同高主教書院. 呢D學校起碼對學生的紀律要求唔會太死板, 可能呢D學校有好多屆學生已經考過會考同A-level, 甚至已經有校友, 有D舊生己經讀完大學出來揾工開, 但我地間學校, 一屆畢業生都無, 我己經係第一屆學生, 點知我讀中一果年教統局話改制, 用三三四新學制, 所以我自己其實都有壓力, 主要原因係我又係學校第一屆學生, 又係三三四新學制之中的"白老鼠". 點會無壓力. 不過算啦! 只要一日仲有阿Q精神, 我相信奇蹟會出現.

近排我的學校生活都算唔錯啦! 開左學差唔多兩個月, 都無特別事發生, 下個星期放Term Break, 成個星期無需要返學, 但係唔係比我我地去玩, 而係比我地繼續係屋企温書. 而家我果班新來果兩個班主任Mr Alex Ip同Mr Wayne Lau都好好人, 起碼好個我上年果個Mr Steven Hirst. 而家Mr Ip教我地班Economics同Liberal Studies(通識). 而Mr Lau教我地中國歷史. 佢地教得都唔錯. 至於我最差的科目Maths, 在剛剛過去的Unit Test 54分得25分, 差兩分就合格, 有少少唔開心. 但係而家先至係第一個Unit Test, 仲有好多機會比我追返. 希望我下次Unit Test可以合格. 至於其他方面, 我在剛剛過去的週完成第四次少年領袖團的訓練, 距離Passing Out的日子仲有半年, 但係D訓練就開始嚴格, 我地訓練中隊個指揮官鄭Sir成日都係Muster Parade叫我地Wake Up. 而步操方面, 我地今次學左Advance inreview order同Salute. 隊員方面, 我覺得許文翰最搞笑, 佢係我地B Troop比張Sir同Corporal關話得最多果多. Corporal關成日罰佢作詩, 所以我地成班Recruit同知道佢個名係"詩聖". 不個佢今年先讀中一, 思想唔成熟都係一件正常的事, 因為我讀中一個果成日同同學講"巴士阿叔"事件. 但係3年過後, 我而家已經讀緊中四, 所以時間過得好快. 我希望如果出年Passing Out果日, 我地成班Trg Sqn B Troop的人可以同Corporal關, 張Sir, 倫Sir同李Sir食飯就好啦, 而家都去左四次訓練, 相信好快就Passing Out.

呢個星期有好野做, 就好似剛剛過去的國慶日, 本來前一晚要入Camp, 但係由於落雨, 所以我沒入少年領袖團在西貢的營地, 我在國慶日的早上五點半起身, 之後坐巴士出灣仔, 再行去會展同其他少年領袖團的隊員集合, 我地排好隊, 整齊地看升旗典禮, 除左我少年領袖團去睇升旗典禮之外, 仲有童軍, 交通安全隊同基督少年軍都有去, 升旗典禮完結後, 我地成班人去左大家樂食早餐, 跟著又去海防博物館參觀, 到左下午, 我地歌唱隊去左柴灣綵排, 話就話綵排, 其實都係係度白坐, 坐到大約五點鐘至走得, 跟著又要去順利邨商場食飯, 到左今日就去紅紅磡體育館作最後綵排同正式表演, 所以都好期待. 比D相你地睇.

今次晚會主題係國慶60週年 

今次張敬軒都有來做表演嘉賓

我同婷婷分別同李Sir合照, 次次入Camp李Sir教我地步操, 佢都會好惡, 但係有時都會同我地一齊玩.

呢個係C Troop郭禮悅, 我同佢合照.